sakaling balu mung atyu ne malapiting daralakitan a kanglapang gulis
uling ding kenu mang daralpak a bitis,
detang lalakwan da maplas lang manangis;
karetang mal keka e mu wari lingad
nung ding tagang oras ditak na lang ditak,
e na la magkasya pilitan mang sukat
ban makapagsadya't malwalas atanggap?
nanu ing daptan mu king kekang kabilyan
nung ala na murin nanu man ing daptan?
mala na ning Malam itang kapanayan
bista man e pihu ing keyang panyatang.
mamin naka kaya at mupul nakang lwa
o 'kaba mu nomu aldong mangasaya?
-30-
No comments:
Post a Comment