pabustan ku waring ding lilisya nota
ila ring mangangas igale ring rima
uling akakit dang pabustan ke'yng pluma
kabud makasoso king boti ning tinta?
manaya ku waring ding e matni dila
ilang migulisak king kakung salita?
at ding ing balugbug a baug king s'wala
ring mamitang dandam king amanung mutya?
uling nung makanyan anti keng timbunan
ing kakung talentung binye ning Linalang,
nanung keliwan ku king metung alipan,
kitkut ne mu'yng gintu uli ning temaran.
dapot... daralit ku... uli ning lugud ku,
king kalam na ning Dios a sisuang amanu.
-30-
deni gewa ku la agpang keng buri kung istilu agyang pang inawus ku lang sonetung kapampangan, deni e ra la kalupang 14 iambic pentameter lines ding shakespearian and italian sonnets, kinopya ku la mu bilang a bersadu pero ing karelang silaba tiki ku la kareng kilalang poesyang kapampangan a 12 silaba at paynawa libutad, at magrima lang aaaa,bbbb,cccc,dd, at alang mipapasibaywan a rima. -kesa keng tukyan ku la reng sonetong asiano, gewa ku nalamung sonetung kapampangan.
Monday, December 22, 2008
kasnuk karing aliwa
ing kanakung pusu gintu yang lulanan
nung nuku kukunan tintang kapampangan,
e ya makalaksing batingtingan me man
uling nung matni ya, angin yamu laman.
dutung yang mataba ing kanakung pluma
at ing katunayan ane king kabunga,
ring kakung apupul kilub pepabanwa
ating adwang dalan o mekad migit pa.
dapot ating bageng kasnukan kung tutu
ding king pamangambul mailig tuturu,
buri ra kang mandwan, -nung e ku sa' balu
ila king sarili magbibyasa la mu:
kapurit dang pupul, deta namung deta,
e no miragdagan, ketubasan na la.
-30-
nung nuku kukunan tintang kapampangan,
e ya makalaksing batingtingan me man
uling nung matni ya, angin yamu laman.
dutung yang mataba ing kanakung pluma
at ing katunayan ane king kabunga,
ring kakung apupul kilub pepabanwa
ating adwang dalan o mekad migit pa.
dapot ating bageng kasnukan kung tutu
ding king pamangambul mailig tuturu,
buri ra kang mandwan, -nung e ku sa' balu
ila king sarili magbibyasa la mu:
kapurit dang pupul, deta namung deta,
e no miragdagan, ketubasan na la.
-30-
Subscribe to:
Posts (Atom)